زوانی هه‌ورامی و بێ‌ده‌سه‌ڵاتی فه‌رهه‌نگی
محه‌ممه‌دئاشنا عە‌باس مه‌نش زوانی کوردی هه‌ورامی سروه‌توو سامانوو ملله‌توو کوردیه‌ن، ئی سامانه و میراسه ئه‌گه‌ر فۆتیۆ، به‌شێوه فره گه‌وره جه میراس و کوولتوورو کوردی به عام مه‌فۆتیۆ. ئینه، ئانه‌یه میاونۆ که مه‌شیۆ گرد کوردێوه جه نزاری و زه‌عیفی زوان و فه‌رهه‌نگ و ئه‌ده‌بوو هه‌ورامی و هه‌ورامانی خه‌فه‌ت بوه‌رۆ و جه ئاوه‌ڎانی و ده‌وڵه‌مه‌نڎیش، دڵش شاد و وه‌ش بۆ. به‌ڵام به‌داخه‌وه پاسه که مه‌ی وه‌روو چه‌می و وه‌زعه‌کێ ماچۆ و نویسه‌ی و وه‌نه‌ی و چاپوو کتێوو و ڕۆزنامه و مه‌جه‌له و ڕسانه و میدیا به عام ماچان، نا چیروو هه‌ره‌سه‌و فۆتیاینه، وه‌ره وه‌ره پسه وه‌روێوه وه‌ره‌تاوو وه‌هاریش دیه بۆ، خه‌ریکه‌ن مه‌تاویۆوه و جه هیچ که‌سیچ کاره‌ی به‌ر نمه‌‌ی، ده‌سه‌ڵاتمان نیه‌ن و هاز و هه‌ره‌که‌ت و ئه‌وه جمایمان چه‌نه بڕیان. نه بنکێوه، نه ئه‌نجۆمه‌نێوه، نه مه‌ڵبه‌ندێوه نه کاناڵێوه ماهواره‌یی و نه ئه‌نیستیتۆیوه و نه ڕۆزنامێوه هه‌ورامی، هیچمان نیه‌ن تا نوی...
