نرخی نەوت لە بازارەکانی جیهاندا بەرێژەیەکی بەرچاو رووی لە دابەزین کرد، بەشێوەیەک ئەم دابەزینەی نرخی نەوت نزمترین ئاستە لەوەتەی ساڵی ۲۰۰۲ەوەوە.ئەمرۆ چوارشەممە ۱/۴/۲۰۲۰، نرخی بەرمیلێک نەوتی برێنت بۆ ۲۵ دۆلار و ۱۷ سەنت و نرخی بەرمیلێک نەوتی خاوی ئەمریکیش بۆ ۲۰ دۆلار و ۳۷ سەنت دابەزی.

ئەم دابەزینەی نرخی نەوت بەشێوەیەک لەوەتەی ساڵی ۲۰۰۲ و نەگەیشتووەتە ئەم ئاستە ئەویش بەهۆی بڵاوبوونەوەی ڤایرۆسی کۆرۆنا و کەمبوونەوەی خواستی جیهانی بۆ سووتەمەنییە، کە هۆکارەکەی راگەیاندنی قەدەغەی هاتوچۆ و وەستانی گەشتە ئاسمانییەکانە.

هەروەها هۆکارێکی دیکەی دابەزینی نرخی نەوت دەگەرێتەوە بۆ شەڕی ئابووری نێوان رووسیا و سعودیە و رێکنەکەوتنی وڵاتانی ئەندام لە رێکخراوی ئۆپیک و دەرەوەی رێکخراوەکە لەسەر کەمکردنەوەی ئاستی بەرهەهێنانی نەوت.